Jeugdprins Noah( Davis )  is 10  jaor en zit in groep 8 in Doonder. Naodat zien zus ( Rosa )   veurig jaor jeugdprinses waor, wouw auch Noah ens baovenop de kar staon. Noah steit zien menke op de golfbaan en dreit zien handj neet om veur ein Par 3. Verder kent hea prachtig teikene en vundj hea alles wat mit ruimte te make heat hartstikke leuk. Hea kent bienao alle vraogen euver Star Wars beantwoorden. Noah en ziene nar Bas ( Cremers ) houwten waal van ein fiëske en gaon swingend de Carnaval door. May the Force be with them.  

Jeugprinses Romy ( Cremers )  is 12 joar en zit in groep ach in Doonder. Romy zit al joare bie de jeugroad en carnaval viere vingt ze geweldig. Es prinses vingt Romy ut heel belangriek om same lol en plezeer te make en dit deit ze auch ut leefste. Romy zit in Oesjbik op jazzdance en danse deit ze heel gaer. Auch teikent en knutselt ze heel veul en is ze erg creatief. Es papa n handje hulp neudig haet op de boerderie, is dat veur heur gein enkel probleem, auch zie haet ut technisch inzich sjus wie heure pap. Romy haet heur vriendin Eline gevroag heur nar te zin en same hobbe ze hie heel veul zin in! Wat ut verder nog extra leuk maak is dat Romy’s breurke Bas door jeugprins Noah es zien nar gevroag is. Dus dit joar dubbel fees bie de familie Cremers.       

Prins Heinz 1 (Hendrikx). Heinz is 62 jaor en getrouwd mit Anke. Hae haet 2 kinjer, Dagmar en Björn, 2 sjoonkinjer, Rob en Larissa En hae is de groëtsje opa van Brianna, Tess en Scott. Heinz is geboare en getoage in Doonder. Wirke deed er als vrachtwagenchauffeur bie de firma Smets. Al 51 jaor is hae lid van de voetbalclub. Hievan is hae 20 jaor bestjuurslid en 15 veurzitter gewaes. Same mit zien adjudanten, Björn, oud Prins 2005, Theo, oud Prins 2009, En ziene secondant, groëte vrujnd Willi, wilt Heinz der veur zurge, Dat de karnaval ein groët fees wurdt veur jonk en oud, groët en klein. Veer hope, dat geer same met os  gaot veur veul sjpas en plezeer.